Archivo de la categoría: Barreiros en Negro
BARREIROS CONTINUA COA CAMPAÑA “EN NEGRO CONTRA AS VIOLENCIAS”
BARREIROS CONTINUA COA CAMPAÑA “EN NEGRO CONTRA AS VIOLENCIAS”
Esta fin de semana seguen os actos que o Concello de Barreiros ten programados para sensibilizar a veciñanza sobre a igualdade e violencia de xénero.
Barreiros, 30 de novembro de 2019. O Concello de Barreiros segue esta fin de semana cos actos que poñerán fin a campaña “En Negro Contra as Violencias” que se iniciou o 18 de novembro.
O sábado 30 de novembro, no partido que xoga o Celta Barreiros C.F. e o Guitiriz S.D. ás 16:00 horas no campo de fútbol O Cascabeiro, terá lugar un acto no que se representarán os sentidos do gusto e do olfacto, “Gustando da Igualdade!”.
Tamén o sábado 30, durante o partido que terá lugar no pavillón municipal ás 18:30 horas entre o Praias de Barreiros F.S. e o I.E.S. Coruño, haberá un acto simbólico representando o sentido do oído, “Ergue a túa Voz!”.
O domingo, día 1 de decembro, ás 19:00 horas no centro sociocultural Manuel Díaz Sampedro, haberá teatro de títeres. Títeres que foron elaborados nos obradoiros interxeracionais organizados polas concellerías de igualdade e de dinamización do Concello de Barreiros, os cales se levaron a cabo durante os meses de outubro de novembro. Representarán a obra “Pepuka e o monstro que levou o seu sorriso”.
Ao finalizar a obra de títeres, coñecerase o fallo do xurado sobre o certame de debuxo, “Di non á violencia”, organizado pola concellería de igualdade e no que participou o alumnado de primaria dos colexios de San Cosme e de San Miguel. O xurado estará formado por Paloma Díaz, educadora social, Encarna Santos de Educando en Familia e Lucía Vila, profesora licenciada en Belas Artes.
Barreiros en Negro
#25N DÍA INTERNACIONAL PARA A ELIMINACIÓN DA VIOLENCIA CONTRA A MULLER
Barreiros, 25 de novembro de 2019.
O acto organizado polo Concello Barreiros para conmemorar o 25N tivo lugar esta maña na Praza do Concello tendo como temática o sentido da vista, a alcaldesa, Ana Ermida, xunto coa concelleira de igualdade, Montse Porteiro, procederon a ler un manifesto lembrando as vítimas da violencia de xénero e pedindo máis medidas para que entre todos poidamos erradicar a violencia contra a muller.
Ao acto acudiron o alumnado dos colexios de San Cosme e de San Miguel, a corporación municipal, e numerosas persoas que mostraron o total rexeitamento á violencia machista.
