Arrincou onte no Eido Dourado, en Barreiros, a xira por Galicia de Xógara, “unha banda anglo-galega-galesa, esencialmente instrumental que bebe da música celta. Naceu en Oxford da mao de tres músicos británicos e un galego. É un proxecto que encarna a mellor tradición europeísta da música folk”, explicaba na súa presentación o artista barreirense Celso Dourado. Os xardíns do Eido Dourado enchéronse para presenciar este concerto. Xógara actúa esta noite en Ribadeo e durante o mes de agosto pasarán por Foz.