O CONCELLO DE BARREIROS SACA A LICITACIÓN PARA ADQUIRIR UN VEHÍCULO E IMPLANTAR UN PUNTO LIMPO MÓBIL

O CONCELLO DE BARREIROS SACA A LICITACIÓN PARA ADQUIRIR UN VEHÍCULO E IMPLANTAR UN PUNTO LIMPO MÓBIL

Barreiros, 12 de setembro de 2019. O Concello de Barreiros inicia o expediente para a adquisición de un vehículo tipo pick-up, con gancho multilift, con un módulo de  caixa basculante con baldas laterais abatibles e un módulo de punto limpo móbil con diferentes compartimentos.

O edil de medio ambiente, Dámaso Ratoira, sinala que “coa implantación deste punto limpo móbil, o que se pretende é reforzar o sistema actual de recollida selectiva e facilitarlle aínda máis á poboación a reciclaxe dos residuos, complementando ó punto limpo fixo co que conta o concello. Pretende adquirirse un punto limpo móbil para pequenos residuos, que se poda colocar en diferentes sitios do concello, para que a xente saiba que pode acudir para depositar esas pequenas cousas polas que non lles compensaría desprazarse ata o punto limpo (pequena chatarra electrónica/pequenos electrodomésticos, pintura/bernices/disolventes, aceites, radiografías, roupa/xoguetes, baterías/pilas, bombillas/fluorescentes,…), así como o vehículo para transportalo e que ademais terá outro módulo de caixa basculante para a recollida de voluminosos e o seu traslado ó punto limpo”.

O importe deste subministro é de 51.552,46 € (IVE incluído) e deberá estar entregado antes do 15 de novembro. Está cofinanciado con 40.000 € por parte da Xunta de Galicia, Consellería de Medio Ambiente, Territorio e Vivenda, ao abeiro da Orde do 14 de decembro de 2018, para financiar actuacións en materia de residuos de competencia municipal, cofinanciadas polo Fondo Europeo de Desenvolvemento Rexional con cargo ó programa operativo Feder Galicia 2014-2020.

As ofertas poderán presentarse de maneira electrónica pola Plataforma de Contratación do Sector Público ata o 4 de outubro.

CHARLA INFORMATIVA SOBRE A FACTURA DA LUZ NO CONCELLO DE BARREIROS

CHARLA INFORMATIVA SOBRE A FACTURA DA LUZ NO CONCELLO DE BARREIROS

Barreiros, 12 de setembro de 2019. A Aula CeMIT de Barreiros acollerá este luns, día 16 de setembro, ás 12 horas, a charla “Dálle Luz á Túa Factura”. Con esta xornada preténdese facilitar a cidadanía os coñecementos básicos para comprender a factura eléctrica, como poñer en práctica medidas de aforro, como facer unha reclamación nos distintos supostos que se poidan presentar, que tarifas hai no mercado, descontos, axudas e o Bono Social.

A charla correrá a cargo do Instituto Galego de Consumo e terá unha duración aproximada de 1 hora. As persoas interesadas en asistir deben inscribirse a través da web cemit.xunta.gal, na propia aula CeMIT de Barreiros ou chamando ao número 666.875.946.