Trinta persoas participaron o pasado sábado, 6 de abril, na viaxe a Lalín, que organizou o Concello de Barreiros. Os asistentes visitaron a Casa do Patrón, a Sala de Arqueoloxía
do Castro de Doade, a Casa Castrexa, o Castro de Doade, o Pazo de Liñares e o Museo Galego da Marioneta.
Ademais degustaron o tradicional cocido de Lalín nun restaurante da localidade, onde o Concello foi obsequiado cunha figura típica desa terra e da feira do cocido, que recolleu o alcalde, Alfonso Fuente Parga.
Haberá autobús e entrada de balde para todas as persoas que se animen a viaxar o vindeiro domingo co Celta Barreiros. O bus sairá ás tres da tarde das inmediacións do restaurante O Asador, na Cruz do Lobo.