Éxito da xornada informativa sobre axudas e subvencións
organizada pola asociación de Hostelería de Barreiros.
O colectivo organizador contactou con diferentes departamentos da Xunta de Galicia, así
como tamén co GDR Terras de Miranda e o GALP A Mariña-Ortegal.
70 persoas asistiron á xornada organizada polas persoas que integran o colectivo de
hostelería de Barreiros, que lograron reunir na mesma mesa a diferentes departamentos
da Xunta, así como ao GDR Terras de Miranda. A idea desta xornada partiu do colectivo
barreirense ao observar o amplo abano de posibilidades de subvencións e axudas que
existen neste momento e das cales poden ser beneficiarias tanto persoas que traballan
por conta propia como empresas.
A asociación considera a xuntanza como un éxito, dada a alta participación que houbo, o
que dá mostra de que é un tema que esperta interese entre a xente. Axudar a difundir
estes apoios considérano básico para que as persoas interesadas teñan máis
coñecemento sobre as oportunidades que existen, e así, contribuir a reforzar o tecido
económico tanto do municipio como do resto de concellos do arredor.
Cristina Sanz do IGAPE, Paloma Vázquez da Axencia Galega de Turismo, Rocío Rebolo
do Servizo de Emprego e Economía Social, e Elena Martínez do GDR Terras de Miranda,
foron as expositoras desde o punto de vista técnico, de todas as axudas e subvencións
existentes. Na sesión tomou tamén a palabra o Delegado Territorial da Xunta de Galicia
na provincia de Lugo, José Manuel Balseiro Orol. A asociación organizadora agradece a
disposición de todas estas persoas para celebrar a xornada.
As poñentes facilitaron as presentacións empregadas, e foron agrupadas nunha carpeta
de acceso público para calquera persoa que desexe consultalas. En dita carpeta está
tamén dispoñible material informativo sobre outras axudas de outros departamentos ou
organismos. Esta información pode consultarse accedendo á páxina de Facebook de
“Hostelería de Barreiros”, ou ben solicitala por correo escribindo a
[email protected]
Archivo por meses: febrero 2019
A Xunta informa en Barreiros dos programas de axuda que convoca para emprendedores, autónomos e pemes
Hostelería de Barreiros <[email protected]>
Mié 20/02/2019 14:06
Boa tarde,
Escribimos desde a asociación de Hostelería de Barreiros dado que observamos que a información publicada sobre a xornada informativa sobre axudas e subvencións celebrada onte en Barreiros, é errónea en dous punto:
1. Onde di: “A Xunta de Galicia organizou, en colaboración coa Asociación de Hostalería de Barreiros”. Debe dicir ao revés, a asociación de hostelería foi a organizadora e quen contactou con distintos departamentos da Xunta e outros como o GALP e o GDR para realizar este evento.
2. Onde di : “a xestora da asociación de hostaleiros de Barreiros, Tamara Rubiños”. Esta referencia é errónea, a nosa compañeira non é xestora de dita asociación, que está presidida por David Hinojosa Bermúdez. A participación de Tamara na xornada de onte foi unicamente en calidade de representante para este evento en particular.
Agradecemos, por favor, a rectificación dos puntos anteriores e informamos que enviaremos en breve a nosa propia nota como entidade organizadora.
Graciñas e un saúdo.
Acisa Ribadeo expresa su pesar por la muerte de su expresidente, Pablo Vizoso
FUENTE PARGA VISITOU AS OBRAS DA DEPURADORA DE CELEIRO DE MARIÑAOS
FUENTE PARGA VISITOU AS OBRAS DA DEPURADORA DE CELEIRO DE MARIÑAOS, QUE ESTÁN A PIQUES DE REMATAR. O INVESTIMENTO ASCENDE A UN MILLÓN DE EUROS.
Barreiros, 19 de febreiro de 2019. O alcalde, Alfonso Fuente, visitou esta mañá as obras da depuradora de Celeiro de Mariñaos, que entrará en funcionamento en breve. O investimento realizado ascende a 1 millón de euros.
O rexedor contou que “visitei as obras da depuradora, da Etap, en Celeiro de Mariñaos para ver como ían. Esperamos que nuns días poidan estar rematadas xa totalmente esas obras, para poder poñer xa en funcionamento a nova depuradora e evitar así o que viña pasando, que cando o río baixaba revolto, por choivas ou por obras no cauce, iso ocasionaba que a auga saíse con turbidez”.
Alfonso Fuente engadiu que “para eliminar todo isto, unha vez se poña en marcha esta nova depuradora, iso xa quedará solucionado. Así mesmo amplía a capacidade de produción de auga potable, e tamén se aumentou o depósito de cabeceira. Tiñamos un depósito de 900 metros cúbicos e agora xa contamos cun depósito de 2.000 metros cúbicos”.
O alcalde lembrou que “o investimento está en torno a 1 millón de euros, que creo que nos vai dar moita mellora en toda a rede de abastecemento de auga do noso concello”.
AXUDAS E SUBVENCIÓNS PARA AUTÓNOMAS/OS E PEQUENAS EMPRESAS
RECORDATORIO:
Esta tarde, na “Xornada Informativa sobre Axudas e Subvencións para autónomas/os e empresas“, organizada pola asociación de Hostelería de Barreiros, tamén nos acompañará Rocío Rebolo Serén, Xefa do Servizo de Emprego e Economía Social, quen nos falará de AXUDAS que teñen por finalidade a promoción do emprego autónomo, e incentivos á contratación indefinida de persoas desempregadas.
Acompañaránnos ademais:
– José Manuel Balseiro Orol, Delegado Territorial da Xunta de Galicia en Lugo.
– Cristina Sanz Arias, Técnico de Información Especializada do IGAPE.
– Paloma Vázquez Fernández, Xefa da Área Provincial de Turismo en Lugo.
– Elena Martínez, xerente do GDR Terras de Miranda (xestión do programa LEADER).
Será HOXE (martes ) ás 19:30h. no Centro Sociocultural de San Cosme de Barreiros.
O FESTIVAL INFANTIL DO ENTROIDO 2019 EN BARREIROS TERÁ LUGAR O 3 DE MARZO. HABERÁ DESFILE, BAILE, XOGOS MÁXICOS E PHOTOCALL
O FESTIVAL INFANTIL DO ENTROIDO 2019 EN BARREIROS TERÁ LUGAR O 3 DE MARZO. HABERÁ DESFILE, BAILE, XOGOS MÁXICOS E PHOTOCALL.
Barreiros, 18 de febreiro de 2019. A Concellería de Cultura organiza o Festival Infantil do Entroido 2019 o 3 de marzo.
A festa terá lugar no centro sociocultural Manuel Díaz Sampedro entre as 17:30 e as 20:15 horas.
Haberá un desfile infantil de disfraces con agasallos, bailes en grupo, xogos máxicos e photocall. Desde o Concello advirten que “nas actividades os menores deberán estar acompañados dun responsables desa rapaza ou rapaz”.
Os números de dinamización e maxia correrán a cargo de Chrystyan Magic. No Festival Infantil do Entroido 2019 en Barreiros tamén participarán Os Cabezudos.
O VINDEIRO SÁBADO, 23 DE FEBREIRO, TERÁ LUGAR EN BARREIROS A II FESTA DO COCIDO. AS ENTRADAS PARA ASISTIR XA ESTÁN Á VENDA
O VINDEIRO SÁBADO, 23 DE FEBREIRO, TERÁ LUGAR EN BARREIROS A II FESTA DO COCIDO. AS ENTRADAS PARA ASISTIR XA ESTÁN Á VENDA. 
Barreiros, 18 de febreiro de 2019. O Concello de Barreiros colabora co CF CeltaBarreiros e as charangas Os Macanudos e Habelas Hainas na organización da II Festa do Cocido que se celebrará o vindeiro sábado, 23 de febreiro. Terá lugar no polideportivo de San Cosme e dará comezo ás 21:30 horas.
O menú consistirá en sopa de cocido, cocido, postre, viño, auga, refrescos, pan, café e chupito. O prezo é de 20 euros para os adultos e de 10 euros para @s nen@s de ata 10 anos. A cea será servida polo cátering Chao dos Navais e o baile estará amenizado pola discoteca móbil Eventec. Ademais haberá sorteo de grandes premios.
As persoas interesadas en asistir a esta festa poden facer as súas reservas nos números de teléfono: 659 392 666 (Manolo), 667 316 459 (Demelsa) ou 609 575 536 (Iria).
No evento colaboran ademais do Concello os restaurante O Asador e La Yenka, Chao dos Navais, Eventec, Eroski e Gadis.
A II Festa do Cocido foi presentada hoxe polos organizadores, que estiveron acompañados polo alcalde e polo tenente de alcalde, Alfonso Fuente Parga e José Manuel Gómez Puente, respectivamente.
Falleció Pablo Vizoso Iglesias, empresario expresidente de Acisa Ribadeo
Falleció Pablo Vizoso Iglesias, empresario expresidente de Acisa Ribadeo
Fundador de la correduría de seguros con su nombre, tenía 66 años de edad
A Mariña acogió con conmoción y pesar la noticia de la muerte de Pablo Vizoso Iglesias, empresario, fundador de la correduría de seguros del mismo nombre, que falleció a los 66 años de edad víctima de un repentino ataque.
Pablo Vizoso nació en Benquerencia y desarrolló el grueso de su carrera profesional en Ribadeo, liderando una compañía de seguros que se hizo de las más populares en la provincia, y que en la actualidad cuenta con delegaciones en Ribadeo, Viveiro, Lugo capital y Burela. Pablo Vizoso fue presidente de la asociación de comerciantes de Ribadeo, donde desarrolló una notable actividad para dinamizar desde esta entidad la economía ribadense. Su repentina muerte causó una profunda conmoción, al tratarse además de una persona muy conocida.
Este lunes a las cinco de la tarde será la conducción del cadáver desde el tanatorio de Funeraria Ribadense hasta el cementerio parroquial de San Pedro de Benquerencia, donde recibirá cristiana sepultura.
O BNG IMPUGNA O ORZAMENTO DE BARREIROS POR NON CONTEMPLAR CRÉDITO SUFICIENTE PARA GARANTIR OS SERVIZOS
O BNG IMPUGNA O ORZAMENTO DE BARREIROS POR NON CONTEMPLAR CRÉDITO SUFICIENTE PARA GARANTIR OS SERVIZOS.
A partida para o subministro de depuradoras contempla 30.000 euros para o 2019. Só as facturas pendentes de 2018 para esa partida suman 35.191,49 euros.
Barreiros, 16 de febreiro de 2019. O Bloque Nacionalista Galego en Barreiros vén de impugnar o orzamento municipal para o ano 2019 debido á “insuficiencia das partidas para atender aos servizos básicos que debe prestar o Concello”. Desde o BNG explican que “o orzamento aprobado polo goberno do Partido Popular é unha hipoteca para o Concello e para as veciñas e veciños que, a día de hoxe, xa están debendo facturas de servizos fundamentais como o de alumeado público ou o tratamento de residuos.”
As alegacións presentadas polo BNG sinalan o incumprimento do documento orzamentario en varios aspectos, como a falta de negociación colectiva en materia de persoal ou a insuficiencia das partidas para atender as obrigas esixibles á administración local.
A portavoz municipal do BNG explica que “non se trata de cuestións meramente formais, senón que as consecuencias que se desprenden deste xeito de elaborar o documento económico máis importante do noso concello, son terribles para as veciñas e veciños.” Ana Ermida explica que “hai partidas que xa comezan o ano agotadas, como a destinada aos subministros de depuradoras, na que se orzamentan 30.000 euros e só con facturas pendentes do 2018 que teñen que cargarse contra o crédito deste ano, gastaranse máis de 35.000.”
Para a formación nacionalista o que demostra esta situación é que “o goberno municipal de Barreiros non se molesta o máis mínimo en pensar nas necesidades e na situación do concello, senón que seguen insistindo nun xeito de xestionar os cartos públicos co que están levando a Barreiros á ruína económica.”
A portavoz municipal explica que “Cada ano, os problemas para afrontar facturas prodúcense antes. No 2017, as facturas do alumeado ou do lixo deixaron de pagarse en setembro; mentres que no 2018 xa quedaron sen pagar desde xuño, segundo se deduce da documentación que acompaña ao orzamento e das facturas pendentes, que o PP recoñeceu no último pleno. Coa situación que se produce de novo no orzamento do 2019, este problema no pago das facturas comezará incluso antes de mediados de ano e así cada vez vai aumentando o furado económico do Concello como se fora unha bola de neve.”
Desde o BNG explican que as alegacións presentadas deben ser resoltas en pleno municipal no prazo máximo dun mes e, tendo en conta que mesmo o Tribunal Supremo xa se ten manifestado a respecto da nulidade dos orzamentos que incorren nalgunha das circunstancias nas que está o de Barreiros, debería acordarse a aceptación das alegacións, declarar a nulidade do orzamento e comezar a elaboración dun novo documento orzamentario que cumpra co legalmente establecido.
Xornada de portas abertas este luns 18 no CEIP San Cosme de Barreiros
– Jornada de puertas abiertas este lunes 18 en el CEIP San Cosme de Barreiros
El cole de San Cosme organiza una jornada de puertas abiertas el lunes 18 de febrero a partir de las 12 del mediodía.
La visita, a la que están invitados tanto mayores como pequeños, se hará coincidir con la hora del recreo para que puedanjugar un rato con los alumnos actuales y conocer a los que podrían ser sus futuros compañeros.
El equipo docente se encargará de mostrar las instalaciones, explicar los horarios, los proyectos que desarrollan, programas en que están involucrados, material de trabajo y recursos complementarios, así como los servicios de transporte y comedor.
Entre los proyectos en que trabajan en la actualidad en el CEIP San Cosme destacan el huerto escolar, nuevas tecnologías en la enseñanza, la Biblioteca adherida al Plambe (Plan de Mellora de Bibliotecas Ecolares) y una iniciativa para implantar el reciclaje en colaboración con Sogama.
——————————
– Xornada de portas abertas este luns 18 no CEIP San Cosme de Barreiros
O cole de San Cosme organiza unha xornada de portas abertas o luns 18 de febreiro a partir das 12 do mediodía.
A visita, á que están convidados tanto maiores como pequenos, farase coincidir coa hora do recreo para que poidan xogar un intre cos alumnos actuais e coñecer aos que poderían ser os seus futuros compañeiros.
O equipo docente encargarase de mostrar as instalacións, explicar os horarios, os proxectos que desenvolven, programas en que están involucrados, material de traballo e recursos complementarios, así como os servizos de transporte e comedor.
Entre os proxectos en que traballan na actualidade, no CEIP San Cosme destacan o horto escolar, novas tecnoloxías no ensino, a Biblioteca adherida ao Plambe (Plan de Mellora de Bibliotecas Ecolares) e unha iniciativa para implantar a reciclaxe en colaboración con Sogama.