Archivo por meses: enero 2019

Ollomao, Teatro

O COLECTIVO CULTURAL OLLOMAO PRESENTA EN CASTROPOL A SÚA “ENCICLOPEDIA ÁLVAREZ”

Barreiros, 23 de xaneiro de 2019.

O COLECTIVO CULTURAL OLLOMAO PRESENTA EN CASTROPOL A SÚA “ENCICLOPEDIA ÁLVAREZ”

A REPRESENTACIÓN TERÁ LUGAR O VINDEIRO SÁBADO 26 DE XANEIRO ÁS 20:30 h NA CASA DA CULTURA (ANTIGO CASINO)

Despois de máis de vinte representacións por toda a xeografía galega e do occidente asturiano, en moitas das cales houbo que colocar o cartel de “non hai entradas” (Betanzos, Vedra, Vegadeo, Rinlo,…), pódese considerar esta produción como un dos éxitos indiscutibles do teatro afeccionado galego desta tempada. Este espectáculo foi galardoado co premio Conde Santo á Mellor obra e co premio Lourenzo ao Mellor Actor Protagonista no I Certame de teatro afeccionado de Lourenzá (no que tamén estivo nominada á mellor posta en escena e á mellor actriz protagonista) e cos premios á Mellor Montaxe e Mellor Actriz Protagonista nos XXI Encuentros Teatrales de Vegadeo (Asturias).  Foi tamén seleccionada para participar no IX Encontro de teatro afeccionado de Betanzos 2018, no Festival Teatrofilia de Vedra e na Mostra Internacional de teatro amador Estenarúa de Ferrol.

Agora, e  despois de todo este percorrido a Enciclopedia de Ollomao chega a Castropol

Enciclopedia Álvarez” é a historia do día a día de catro nenas e catro nenos sometidos á absurda e ilóxica “des-educación” da escola franquista. Os problemas de matemáticas aos que “lles faltan datos” ou están “mal planteados”, as preguntas de catecismo que se contestan de determinada maneira “porque lo pone el libro”, as clases de ximnasia impartidas por mutilados de guerra, as de “hogar” para as nenas a cargo de mulleres da Sección Femenina ou a visita do inspector da Falange, entre outras, poñen sobre o escenario algunhas das incoherencias máis notorias daquel sistema. Unha historia contada con humor, porque desde o humor é máis agradable exercer a sempre necesaria memoria histórica. Unha historia que nos axuda a comprender o absurdo dun sistema educativo autoritario e irracional. Un absurdo incrementado polo paso do tempo, pero que durante máis de corenta anos foi un dogma imposto pola forza. Unha historia que “nos fai pensar mentres escachamos coa risa” en palabra dun dos espectadores asistentes á estrea.

 

Salud, Sanidad

RIBADEO APROBA POR UNNANIMIDADE A MOCIÓN DA PLATAFORMA SANITARIA EN DEFENSA DUN SERVIZO DE PEDIATRÍA DE CALIDADE PARA A COMARCA

RIBADEO APROBA POR UNNANIMIDADE A MOCIÓN DA PLATAFORMA SANITARIA EN DEFENSA DUN SERVIZO DE PEDIATRÍA DE CALIDADE PARA A COMARCA.

O colectivo sanitario parabeniza a todos os grupos políticos de Ribadeo pola súa solidariedade con este grave problema sanitario que padece a comarca.

A Mariña 22 de xaneiro de 2019.  Integrantes da Plataforma sanitaria da Mariña acudiron ao pleno celebrado no concello de Ribadeo no que se debateu  de urxencia a moción en defensa do servizo de pediatría que este colectivo está a presentar en todos os concellos da comarca.

Segundo comenta Víctor Vila,  portavoz da Plataforma, tras argumentarse a súa urxencia pola gravidade do problema e que fora rexistrada a primeira hora do luns 21 de xaneiro, foi aprobada a mesma por unanimidade. Desde esta plataforma queremos amosar “ os nosos parabéns a todos os grupos políticos da corporación municipal pola súa solidariedade con este grave problema sanitario que afecta a toda a comarca . Agardamos que en todos os concellos da comarcaestas mocións se leven a pleno e rematen en aprobación unánime tamén”.

Ao remate da sesión parte da corporación fixo unha foto coas camisetas do colectivo

Unha vez rematado o pleno, a maioría de concelleiras e concelleiros quixeron secundar tamén a campaña que días atrás  propuxo o colectivo sanitario consistente en que as corporacións municipais fixeran unha foto levando a camiseta que a Plataforma Sanitaria sacou á venda co lema “ AQUÍ. AGORA. SEMPRE” acompañado do seu do logotipo . Con este   signifícanse a favor dunha sanidade pública de proximidade, de calidade, universal e gratuita desde o primeiro momento , sempre , e sexa quen sexa o grupo político que goberne.Desde a Plataforma tamén” queremos agradecer a PSOE eremo BNG que se adheriran a esta campaña mercando e accedendo a fotografiarse coas nosas camisetas”– conclúe a coordinadora, Montse Porteiro.

Fitur

O ALCALDE DE BARREIROS DESENVOLVERÁ EN FITUR UNHA INTENSA AXENDA DE TRABALLO DO 23 AO 25 DE XANEIRO

O ALCALDE DE BARREIROS DESENVOLVERÁ EN FITUR UNHA INTENSA AXENDA DE TRABALLO DO 23 AO 25 DE XANEIRO. FUENTE PARGA ASISTIRÁ A ACTOS INSTITUCIONAIS E MANTERÁ ENCONTROS CON VARIAS EMPRESAS TURÍSTICAS.

Barreiros, 21 de xaneiro de 2019. Intensa axenda a que desenvolverá o alcalde de Barreiros, Alfonso Fuente, en Fitur do 23 ao 25 de xaneiro. O rexedor asistirá a varios actos institucionais e manterá encontros con varias empresas turísticas.

Fuente Parga contou que “como se ven facendo todos os anos e tendo en conta que o Concello de Barreiros en turismo ten moito que dicir, vou desprazarme á feira Fitur en Madrid. Por un lado, para acompañar aos alcaldes da Mariña lucense e asistir xa o mércores, día 23, á presentación de E para comer, Lugo porque estamos na provincia de Lugo e é importante que fagamos piña nese sentido; e o xoves 24 asistirei á presentación do vídeo de A Mariña lucense así como tamén a outras presentacións como son as das Semanas Santas, nas que están Viveiro e Mondoñedo. Hai que ter en conta que como concello da Mariña que é un referente en turismo Barreiros debe estar aí”.

O alcalde barreirense seguiu a relatar que “o venres 25 o presidente da Xunta vai estar no stand de Galicia e tamén consideramos importante acudir a este acto dándolle ese empuxe a Galicia porque en definitiva o que queremos todos é que o turismo se desprace a Galicia e que veña á provincia de Lugo e, como non, que se achegue á Mariña lucense e que visiten tamén o concello de Barreiros”.

A axenda de traballo de Alfonso Fuente Parga inclúe varias xuntanzas con empresas turísticas: “e logo, xa dentro dunha serie de entrevistas que están programadas, o xoves 24 ás dez da mañá vou ter unha reunión cunha axencia que se dedica a mover peregrinos no Camiño de Santiago. Estivemos vendo a súa páxina e cremos que se pode implementar máis información sobre Barreiros, dado que non aparecen as fotos dos albergues nin todo o que se pode visitar ao paso polo Camiño de Santiago no noso concello. E tamén está programada para o xoves 24 outra reunión con outra axencia que se dedica á programar rutas. Estivemos vendo a súa páxina e xa estiven en contacto con eles porque preparan rutas en distintos puntos de España e evidentemente queremos que Barreiros poida ser unha zona a visitar ou para hospedarse aínda que as rutas se fagan ao longo da Mariña. Ademais o venres ás 10 e media da mañá imos ter tamén unha entrevista cunha revista que se dedica ao turismo familiar, porque cremos que é importante ese turismo para Barreiros”.

O rexedor anunciou que “se acaban de convocar as axudas da Axencia Galega de Turismo e este ano imos solicitar unha para sinalizar os recursos turísticos do noso concello, como o San Esteban do Ermo, o Camiño de Santiago ou a nosa costa coas nosas praias. Estase preparando xa o proxecto para tramitala”.

Fitur

O ALCALDE DE BARREIROS DESENVOLVERÁ EN FITUR UNHA INTENSA AXENDA DE TRABALLO DO 23 AO 25 DE XANEIRO

O ALCALDE DE BARREIROS DESENVOLVERÁ EN FITUR UNHA INTENSA AXENDA DE TRABALLO DO 23 AO 25 DE XANEIRO. FUENTE PARGA ASISTIRÁ A ACTOS INSTITUCIONAIS E MANTERÁ ENCONTROS CON VARIAS EMPRESAS TURÍSTICAS.

Barreiros, 21 de xaneiro de 2019. Intensa axenda a que desenvolverá o alcalde de Barreiros, Alfonso Fuente, en Fitur do 23 ao 25 de xaneiro. O rexedor asistirá a varios actos institucionais e manterá encontros con varias empresas turísticas.

Fuente Parga contou que “como se ven facendo todos os anos e tendo en conta que o Concello de Barreiros en turismo ten moito que dicir, vou desprazarme á feira Fitur en Madrid. Por un lado, para acompañar aos alcaldes da Mariña lucense e asistir xa o mércores, día 23, á presentación de E para comer, Lugo porque estamos na provincia de Lugo e é importante que fagamos piña nese sentido; e o xoves 24 asistirei á presentación do vídeo de A Mariña lucense así como tamén a outras presentacións como son as das Semanas Santas, nas que están Viveiro e Mondoñedo. Hai que ter en conta que como concello da Mariña que é un referente en turismo Barreiros debe estar aí”.

O alcalde barreirense seguiu a relatar que “o venres 25 o presidente da Xunta vai estar no stand de Galicia e tamén consideramos importante acudir a este acto dándolle ese empuxe a Galicia porque en definitiva o que queremos todos é que o turismo se desprace a Galicia e que veña á provincia de Lugo e, como non, que se achegue á Mariña lucense e que visiten tamén o concello de Barreiros”.

A axenda de traballo de Alfonso Fuente Parga inclúe varias xuntanzas con empresas turísticas: “e logo, xa dentro dunha serie de entrevistas que están programadas, o xoves 24 ás dez da mañá vou ter unha reunión cunha axencia que se dedica a mover peregrinos no Camiño de Santiago. Estivemos vendo a súa páxina e cremos que se pode implementar máis información sobre Barreiros, dado que non aparecen as fotos dos albergues nin todo o que se pode visitar ao paso polo Camiño de Santiago no noso concello. E tamén está programada para o xoves 24 outra reunión con outra axencia que se dedica á programar rutas. Estivemos vendo a súa páxina e xa estiven en contacto con eles porque preparan rutas en distintos puntos de España e evidentemente queremos que Barreiros poida ser unha zona a visitar ou para hospedarse aínda que as rutas se fagan ao longo da Mariña. Ademais o venres ás 10 e media da mañá imos ter tamén unha entrevista cunha revista que se dedica ao turismo familiar, porque cremos que é importante ese turismo para Barreiros”.

O rexedor anunciou que “se acaban de convocar as axudas da Axencia Galega de Turismo e este ano imos solicitar unha para sinalizar os recursos turísticos do noso concello, como o San Esteban do Ermo, o Camiño de Santiago ou a nosa costa coas nosas praias. Estase preparando xa o proxecto para tramitala”.

Teatro

O GRUPO DE TEATRO O BORDELO ACTUARÁ EN BARREIROS O 27 DE XANEIRO. TOLURAS DE PROVEITO SERÁ A OBRA QUE REPRESENTARÁ

 O GRUPO DE TEATRO O BORDELO ACTUARÁ EN BARREIROS O 27 DE XANEIRO. TOLURAS DE PROVEITO SERÁ A OBRA QUE REPRESENTARÁ.

Barreiros, 21 de xaneiro de 2019. A Concellería de Cultura barreirense organiza unha representación teatral que terá lugar o vindeiro domingo, 27 de xaneiro.

O grupo O Bordelo porá en escena a obra Toluras de proveito. Será no centro sociocultural Manuel Díaz Sampedro o domingo ás 18:00 horas.

Trátase dunha comedia costumista, orixinal do director do grupo, Francisco Piñeiro.

Obras, Política local

O BNG INSTA AO CONCELLO DE BARREIROS A ESIXIR DO MINISTERIO DE FOMENTO UNHA ENTRADA DIRECTA AO POLÍGONO NA CONEXIÓN DA A-8 E A FUTURA A-74

O BNG INSTA AO CONCELLO DE BARREIROS A ESIXIR DO MINISTERIO DE FOMENTO UNHA ENTRADA DIRECTA AO POLÍGONO NA CONEXIÓN DA A-8 E A FUTURA A-74

Desde a formación nacionalista consideran que é tecnicamente posible e que dese xeito o polígono de Barreiros sería o mellor situado a nivel de comunicación por estrada.

Barreiros, 20 de xaneiro de 2019. O Bloque Nacionalista Galego en Barreiros vén de presentar unha moción para o seu debate no pleno do vindeiro luns a respecto da necesidade de que o Concello de Barreiros presente unha alegación ao proxecto da A-74 para garantir que o polígono industrial situado na Cruz do Lobo conte con un acceso directo á conexión desa autovía coa A-8 que se proxecta a escasos metros do mesmo.

A portavoz municipal, Ana Ermida, asegura que “nunha obra da envergadura da que se prevé,  realizar unha conexión co polígono de Barreiros que lle garanta maior facilidade de acceso ao mesmo, é tecnicamente posible e economicamente viable, xa que o polígono está a escasos 500m. da conexión.” Asegura, ademais, que “con esta pequena medida, o polígono de Barreiros pasaría a converterse na zona industrial mellor situada en toda a A-8 e na propia A-74, co pulo que iso suporía á zona industrial e as repercusións económicas e sociais que se derivan dese feito”.

Para o BNG, “apostar pola política industrial en Barreiros é facer este tipo de xestións e non anunciar implantacións de empresas pantasmas cada catro anos en período electoral”, afirman.

Ana Ermida asegura que “se o polígono de Barreiros conta con unha entrada directa que evite os desprazamentos a contrasentido para o acceso aos mesmos, a competitividade que se lles dá ás empresas que xa están instaladas no mesmo e a posta en valor do propio polígono pode ter unhas fantásticas consecuencias no desenvolvemento económico do municipio.”

“Queremos arrincar o compromiso do goberno municipal de que poña os servizos técnicos a traballar nesta proposta e que antes do 5 de febreiro, cando finaliza o prazo de alegacións, presente ante o Ministerio de Fomento a proposta técnica para esixir que se teña en conta no trazado definitivo da A-74 a necesidade do polígono barreirense de contar con ese servizo de acceso directo”, explica a portavoz municipal.

Se no pleno do luns a moción non sae adiante, o BNG asegura que o será a propia formación nacionalista a que se dirixa ao Ministerio.

Hosteleria

A Asociación de Hostelería de Barreiros estará presente en FITUR 2019

A Asociación de Hostelería de Barreiros estará presente en
FITUR 2019,

Feira Internacional de Turismo.
Unha representación composta por 3 persoas integrantes da recentemente creada Asociación
de Hostelería de Barreiros asistirá a vindeira semana a Madrid para participar na Feira
Internacional de Turismo, FITUR. A finalidade desta visita é asistir a diferentes presentacións
que terán lugar no stand de Turismo de Galicia, ben por tratarse de mostras que afectan á
Mariña Lucense ou á provincia de Lugo, como tamén a aquelas outras que poden servir como
exemplos de boas prácticas e como inspiración para o desenvolvemento turístico de Barreiros.
Con esta mesma intención prevén tamén a asistencia a outras ponencias ou mesas de traballo
propias da programación da feira.
Ademais disto, a asociación vén de marcar varias reunións con axentes do sector turístico,
máis específicamente con axencias de viaxes minoristas, coas cales establecer unha primeira
toma de contacto e coñecer os servizos ofrecidos para valorar o encaixe destes coa
versatilidade de opcións de hostalería que existen no concello barreirense. Dende a asociación
toman esta primeira visita como unha oportunidade para detectar posibles colaboracións
futuras, así como para indagar en novos modelos de xestión e aproveitamento turístico.
Como actos preparatorios e previos a esta ocasión, representantes de dita asociación
mantiveron unha reunión coa Xerencia de Turismo da Mancomunidade de Municipios da
Mariña Lucense para coñecer de primeira man como ía ser a participación desta entidade en
FITUR, entre outros. Coa mesma intención mantiveron recentemente unha reunión co alcalde
de Barreiros, a quen lle trasladaron a importancia de que o Concello tivera un papel activo en
dita feira fixando unha axenda de reunións con axentes do sector, aproveitando a súa
asistencia á mesma.
Igualmente, nas futuras semanas, a Asociación de Hostelería de Barreiros xuntarase de novo
para valorar a posible participación noutros eventos semellantes como é o III Fórum Fairway,
sobre o Camiño de Santiago; Xantar, Salón Internacional de Turismo Gastronómico ou
Turexpo, Salón Turístico de Galicia.

Sanidad

PLATAFORMA SANITARIA

A PLATAFORMA SANITARIA ACUDE Á REUNIÓN DE NAIS E PAIS EN LOURENZÁ EN DEMANDA DUN SERVIZO DE PEDIATRÍA ESTABLE E APOIA  OS ACORDOS TOMADOS.

Nun salón de plenos a rebosar de veciñ@s a Plataforma traslada a súa intención de presentar mocións en todos os concellos da Mariña

A Mariña , 19 de xaneiro de 2019. A Plataforma Sanitaria acudiu onte á reunión aberta convocada polas nais e pais de Lourenzá e apoiada desde o Concello, para manifestar o seu total apoio a estas iniciativas veciñais,a amosa o seu acordo con todas as medidas tomadas na devandita reunión.

No seu turno de palabra a coordinadora do colectivo sanitario explicou que o problema de pediatría é  moi grave ao deixar sen atención a nenas e nenos pola ausencia xustificada da titular non substituída por parte do Sergas. Tamén incidiu en que este non é un problema privativo de Mondoñedo , Lourenzá e Barreiros, que comparten facultativa, senón que pode pasar en calquera localidade donde exista pediatra de familia, no momento en que esta solicite un permiso , vacacións ou curse baixa médica, todos eles dereitos fundamentais d@s tarballador@s.

É por isto que manifestou a vontade de presentar en todos os Concellos da comarca unha moción en defensa do servizo de pediatría para ser debatida nos plenos municipais e que “agardamos que se resolvan co acordo unánime de instar á Xunta de Galicia a que substitua todas e cada unha das ausencias d@s profesionais, que garanta en todo momento unha atención pediátrica adecuada, pertinente e digna, e mesmo que implemente as horas adicadas á atención pediátrica nos centros que precisen , contratando o personal necesario”- conclúe a Montse Porteiro, coordinadora do colectivo sanitario

Para máis información chamar a Victor Vila 677343429 ou a Montse Porteiro 615187637

   MOCIÓN PARA A ATENCIÓN PEDIÁTRICA NA MARIÑA

A Plataforma na Defensa da Sanidade Pública presenta a seguinte moción, para que sexa debatida nos plenos municipais de todas as Corporacións da comarca, demandando a cobertura do servizo de pediatría de Atención Primaria de forma estable e continuada en todos os centros de saúde donde exista o servizo, sempre que haxa ausencias da/do titular.

EXPOSICIÓN DE MOTIVOS

Actualmente o servizo de pediatría  en Atención Primaria dos concellos de Mondoñedo, Lourenzá e Barreiros comparten unha mesma profesional, e faise de forma alterna nas tres localidades, de xeito que os luns, mércores e xoves atende os concellos de Mondoñedo e Barreiros  durante tres horas en cada un dos centros, os martes adica a xornada completa á atención en Lourenzá e os venres ten xornada completa en Mondoñedo. Este feito provoca que moitas veces pais e nais deban trasladarse a outra localidade ou ate o Hospital da Mariña para que nenas e nenos sexan atendidas.

A baixa desta profesional non esta sendo substituida nen nestes momentos nen ningunha das veces que esta facultativa solicitou algún permiso, cursou baixa ou desfrutou das vacacións, todos eles dereitos básicos dos e das traballadoras.

Este feito está a causar, por unha banda retrasos considerables nas revisións protocolizadas de neno san, revisións que nestas idades non poden ser adiadas moitos días do que marca o protocolo do Sergas, pois nelas se examinan parámetros que determinan se o crecemento e o desenvolvemento psicomotor da crianza é o idoneo e concorda coa súa idade biolóxica. Por outra banda cando un/unha nena padecen algunha patoloxía tampouco son atendidas pola pediatra, sendo derivadas aos máis que sobrecargados médicos de familia do centro de saúde, situación agravada ainda máis cando algún profesional de familia desfruta tamén dunha ausencia xustificada ou baixa. Neste caso son derivados ao servizo de urxencias do Hospital da Mariña  onde son vistos en primeira instancia por un facultativo ou facultativa do devandito servizo, e non por un pediatra, situación que resulta insólita ao ser dos poucos hospitais( por non dicir o único) donde non hai pediatra na plantilla do servizo de urxencias.

Estes tres concellos atendidos por unha mesma profesional suman uns oitocentos nenos e nenas, que nestes momentos fican sen pediatra de familia , únicamente o sergas habilitou unhas horas en quenda de tarde para revisións de neno san de cero a tres anos ou vacinacións , que se ben alixeiran un pouco a carga asistencial son de todo insuficientes e non garanten a atención pediátrica de crianzas con patoloxías.

Se ben a situación en Mondoñedo, Lourenzá e Barreiros é grave e de emerxencia, non é privativa destas localidades, xa que no momento en que algún/ha pediatra da comarca colla un permiso ou se vexa obrigada a coller baixa médica a situación repetiríase exactamente igual.

A Plataforma en Defensa da Sanidade Pública da Mariña considera que o problema da pediatría na Atención Primaria é moi grave, común a todas as localidades onde se presta o servizo e que pode causar nalgún momento situacións gravísimas e de consecuencias fatais.

Por todo o exposto, a Plataforma na Defensa da Sanidade Pública da Mariña solicita dos plenos de todas as Corporacións Municipais da Mariña a adopción dos seguinte

ACORDO

Demandar á Xunta de Galicia as seguintes medidas:

1- Cobertura estable, continuada e desde o primeiro día no que se produza a ausencia da pediatra titular dos concellos de Mondoñedo, Lourenzá e Barreiros, así como en todos os concellos onde se produzan ausencias xustificadas da/do profesional.

2- Incremento na asistencia pediátrica nestes concellos pois parece de todo insuficiente a que se está a impartir na actualidade.

3-Cobertura da xornada reducida da pediatra do centro de saúde de Foz e todas as que se produzan na comarca, pois esta falta de substitución está a producir verdadeiros colapsos na atención pediátrica en Foz e mesmo nos concellos de Alfoz e Valadouro , que teñen que desplazarse a Foz.

4- Dotar aos concellos de Alfoz e Valadouro da profesional de pediatría que se ven demandando  históricamente, para atender ás trescentas nenas e nenos  que constituen o censo de cero a catorce anos destas localidades.

5-Dotación un/ha pediatra no servizo de urxencias do hospital da Mariña en todas as quendas, que garanta a atención pediatrica neste centro desde o primeiro momento e sempre que un paciente en idade pediátrica acuda ao devandito servizo .

A Mariña , 18 de Xaneiro de 2019