NA MARIÑA SIGUEN A  DENUNCIARSE CASOS DE DEFICIENCIAS NA ATENCIÓN SANITARIA

Desprazarse a Lugo para facer as probas de detección precoz de cancro  colorrectal semella una burla para as mariñás e mariñaos.

Xove, a 16 de novembro de  2017. A asemblea informativa celebrada o pasado 15 de novembro no Centro Cívico de Xove reuniu a unha veciñanza moi preocupada pola pretensión do goberno da Xunta de eliminar a Área Sanitaria da Mariña, contribuindo así ao desmantelamento da nosa comarca, a máis dinámica da provincia, e xa moi menoscabada en infraestruturas e  comunicacións.

A Plataforma Sanitaria comezou a súa intervención relatando a deriva que dende a aprobación do Decreto das EOXI ven sufrindo a nosa sanidade, con incrementos nas derivacións cara a Lugo para probas diagnósticas e intervencións cirúrxicas, moitas veces a hospitais privados. Foi no ano 2013 cando se aprobaron por decreto estas estruturas de xestión integrada malia resposta cidadá masiva, que se manifestou en contra e coa promesa por parte da Xunta de que suporían un importante aforro para o sistema público. Estamos ainda agardando polos datos obxectivos do aforro que supuxo a implantación das EOXI, porque ainda non foron que de poñelos enriba da mesa- manifestaron.

Se as EOXI foron sinaladas coma un erro pola meirande parte d@s profesionais do sistema público  e vividas polos doentes con perdas paulatinas de servizos nos hospitais máis periféricos en beneficio dos hospitais de segundo nivel das capitais, a  aprobación deste anteproxecto que eliminaría  a área Sanitaria da Mariña viría a agravar e incrementar esta situación, facéndose efectivo o obxectivo de privatizar a sanidade  xa legalizada trala recente aprobación da Lei de garantías sanitarias o pasado mes de setembro.

En relación á implantación dos controles de detección precoz de cancro colorrectal na Mariña, que segundo o publicado en prensa “ O servizo Dixestivo do Hospital Universitario Lucus Augusti é o servizo de referencia para realizar as colonoscopias”, sinalaron dende a Plataforma Sanitaria que non podemos consentir que nos falten máis ao respecto nen que se rían de nós enviándonos a Lugo a facer as colonoscopias cando temos en Burela un servizo de Dixestivo e dúas salas de endoscopias.

Tamén  mostraron a súa preocupación polo próximo traslado a Lugo dos historiais clínicos de tod@s os usuarios por parte dunha empresa privada que coa excusa de que van dixitalizalas aproveitan para eliminar este servizo do Hospital da Costa e privatizalo, como xa ocorre en Lugo, outra burla máis  á comarca pois existe no Sergas unha categoría profesional creada para tales fins e con persoas que se formaron e optaron  a ditas categorías profesionais-concluiron.

Ao final da exposición d@s membr@s da Plataforma Sanitaria , no  turno d@s veciños e veciñas  relataron o caso dunha doente  octoxenaria que foi derivada a Lugo para a implantación dun marcapasos. Leva ingresada no HULA  tres días e un familiar con ella que ten que pagarse a súa manutención fora . A esto engádese que cando lle den a alta hospitalaria terá que facer todas as revisións do seu marcapasos máis o cambio de pila en Lugo , e os soldos que temos nesta zona non poden sopotar máis desenvolsos de cartos, xa abondo custa chegar a fin de mes con estas pensións indignas para ainda por riba correr cos gastos ocasionados pola derivación a Lugo para procedementos que antes se facían aquí- comentaron.

A Plataforma sanitaria anuncia a súa presenza na  II Carreira Popular  Ao Son do Masma

A Plataforma Sanitaria  anunciou ao final da asemblea que acudirá o vindeiro sábado 18 de novembro á  II Carreira Popular Ao Son do Masma ,que o Colectivo Ollomao organiza en Celeiro de Mariñaos por invitación do mesmo e que está adherido á Plataforma Sanitaria.

Será un acto simbólico do que ainda non trascendeu máis información.

Para máis información chamar a Víctor Vila 677343429